Jeremiah
(Jeremiah)
- 1
- 2
- 3
- 4
- 5
- 6
- 7
- 8
- 9
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
- 37
- 38
- 39
- 40
- 41
- 42
- 43
- 44
- 45
- 46
- 47
- 48
- 49
- 50
- 51
- 52
Jeremiah 18
Beelsekpa' Beelsekna Tawh Thuhilhna
1 Topa in kei hong hopih a, 2“Tho in. Beelsekpa' inn-ah paisuk in la, tua lai-ah ka thute kong hilh ding hi,” hong ci hi. 3Tua ciangin kei zong beelsekpa' inn-ah ka paisuk leh beel a sek laitak ka va tuakkha hi. 4Buan tawh a bawl a beel ama khutsungah kisia ahih manin beelsekpa in hoih a sak bangin beel dang khatin a sek pha hi.
5Tua ciangin Topa in kei kiangah, 6“Israel mite aw, Topa in kong cihin-ah, hih beelsekpa' hih bangin note zong hong hih theilo ding ka hi hiam? En un, beelsekpa' khutsunga buan tawh kibangin, Israel mite aw, kei' khutsungah note na om uh hi. 7Minam khat peuhpeuh ahi zongin, gam khat peuhpeuh ahi zongin botkhia-in, khenkhamin, ka suksiatna ding thu, hun khat peuhpeuh lai-in ka gen khinzo ahi zongin 8tua ka gensa minam leh gam a siatna panin a kiheikik leh, ama tungah siatna tun'sak dingin ka sehsa pen ka kisikkik ding a, ka tungsak nawn kei ding hi. 9Minam khat peuhpeuh ahi a, gam khat peuhpeuh ahi zongin lam ding leh phut dingin hun khat peuhpeuh lai-in ka gen khinzo ahi zongin, 10amah in ka thu hong ngailoin, hoih ka saklohte a bawl teitei leh, ama tungah hoihna bawl ding ka sehsa pen ka kisikkik ding a, ka bawl nawn kei ding hi. 11Tua ahih manin tu-in, Judah mite leh Jerusalem khuamite' kiangah Topa in a cihin-ah, ‘En un, note' siatna ding ka geel a, note' langkhatah ngimna khat ka nei hi. Na vekpi-un na siatna uh pan kilehkik un la, na omdan uh leh na nasepnate uh bawlpha un,’ va ci in. 12Amaute in, ‘Tua bang gen kullo hi. Ko' ngimna bangin ka gamta ding uh a, mi khempeuh ama lungsim sia' deihna bangin a gamta ding uh hi,’ hong ci ding uh hi.
13“Tua ahih manin Topa in kong cihin-ah:
-
- Minam dangte' lakah
- hih bang thu a kiza ngei hiam,
- dong dih un.
- Keima mituam Israel in
- a mulkimhuai mahmah
- na khat a hihzo hi.
- a mulkimhuai mahmah
14Lebanon mualtung
-
- vuk in susia ngei ahi hiam?
- Mualtung panin a hong luang
- a vot kilkel luite kang ngei ahi hiam?
15Ahih hangin ka mite in
-
- kei hong mangngilh khin uh a,
- milim pasian-te kiangah
- paknamtui a hal uh hi.
- Amau' tot ding lampi-ah
- tuk uh ahih manin
- a tot ngei uh lampi lui zui nawnloin,
- lampi lopi a tawn uh hi.
16Amaute' gam pen
-
- a mulkimhuai leh simmawhna tawh
- a kiphitsan den ding gam
- a suaksak uh hi.
- Tua gam a kantan khempeuh
- mulkim mahmah uh a,
- lamdangsa-in a lu uh a pei uh hi.
- mulkim mahmah uh a,
17Nisuahna lam huih in
-
- nin a mutmang bangin
- a galte uh mai-ah
- amaute ka thehthang ding hi.
- Haksatna a tuah ni-un
- amaute ka nungngat ding a,
- ka maingat kei ding hi,” hong ci hi.
- amaute ka nungngat ding a,
Mite' Sawmna leh Jeremiah' Thungetna
18Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian' thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.
19Hong en in, Topa aw,
-
- keima hong thugennate leh
- ka galte in keima thu a gennate
- hong ngai in.
20Hoihna pen siatna tawh
-
- a kituak ding mah ahi hiam?
- Keimah hong siahna-in
- gum a to uh hi.
- Nangma mai-ah kong ding a,
- amau-a' ding thuhoih kong gen hi.
- Na hehna amaute tungah
- na tun'saklohna dingin
- ka hong ngetnate hong phawk in.
21Tua ahih manin a tate uh
-
- kial tawh puksisak in la,
- amaute namsau-in sisak in.
- kial tawh puksisak in la,
- A zite uh ta neisak kei in la,
- meigong suaksak in.
- A pasalte uh pulnatna tawh sisak in la,
- a tangvalte uh galsungah
- namsau tawh kithatlum sak in.
- a tangvalte uh galsungah
22Amau a thatlum ding galkapte
-
- thakhat thu-in paisak in la,
- amau' innte panin kahna aw kizasak in!
- thakhat thu-in paisak in la,
- Bang hang hiam cih leh
- ka kiatna dingin gum to uh a,
- ka khete a awkna dingin
- thang a hong siah uh hi.
23Ahih hangin Topa aw,
-
- amaute in thah dingin kei
- a hong sawmna uh nang
- na thei hi.
- a hong sawmna uh nang
- amaute in thah dingin kei
- Amau' khialhnate na maisak kei in la,
- nangma muhna panin
- amau' mawhnate
- phiatmangsak kei in.
- amau' mawhnate
- nangma muhna panin
- Nangma mai-ah amaute
- guallelsak in la,
- na heh ni mahin hih ek in.