Solomon La 5

 

Tangval

•  

1Itluat ka lawmnu aw,

• • ka huansung hong tungzo ing.
• Ka paknamtuite ka kaikhawm hi.
  • Ka khuaizu leh ka khuailuzu
    • ka ne a,
• ka leenggahzu leh
  • ka bawngnawite ka dawn hi.

Nungakte

• Nungak leh tangval aw,
  • na lungkim piikpeek dongun
    • ne-in dawnin nuamsa un.

Dawng Lina

Nungak

•  

2Ka lup hangin ka lungsim ihmulo a,

• • ka ngaihno in
    • ka kong hong kiuh ka za hi.

Tangval

• Itluat ngaihno ka lungtup aw,
  • kei hong tumsak in.
• Ka lu tungah daingo kia a,
  • meiizun in ka sam kawtsak hi.

Nungak

•  

3Ka puante suah khinzo ing.

• • Ka puante silhkik ding ka hi hiam?
• Ka khete sil khinzo ing;
  • ninsakkik ding ka hi hiam?
•  

4Ka ngaihno in

• • kongkhak hong len khin napi
    • hong taisan kik hi.
•  

5Ka ngaihno tumsak dingin

• • ka kithawi a,
    • ka khutte
• myrrh paknamtui tawh ka zut a,
  • ka khutmete myrrh paknamtui
    • ka nuh a,
• kong a hong dingin
  • a hon'na ka len hi.
•  

6Ka ngaihno a lutsak dingin

• • kong ka hon' a,
    • amah na taikhia khinta hi.
• Amah a taikhiat manin ka dah lua a,
  • amah ka zon' hangin ka mu kei a,
    • amah ka sap hangin hong dawnglo hi.
•  

7Khuasung a cing mite tawh

• • ka kituak a,
  • kei hong satin hong liamsak uh a,
• kulhzanga a kileh den khuacingte in
  • ka puantungsilh hawkkhia uh hi.
•  

8Kong thum hi,

• • Jerusalem nungakte aw,
• ka ngaihno na muh uh leh
  • lungzuangin ka sih dekna na gensak un.

Nungakte

•  

9Nungak laka a hoihpen aw,

• • na ngaihno a bangci hiam,
    • hong gen dih in.
• Tua bangin kong gen liang ding uh
  • bangzahtakin lamdang ahi hiam?

Nungak

•  

10Ka ngaihno a melhoih a, a thahat hi.

• • Mi tul sawm lakah
    • tehpih ding dang omlo hi.
•  

11A sam sau-in kil thiuhtheuh a,

• • a sam hoihin vom dikdek a,
    • kham sangin zong
    • deihhuai zaw hi.
•  

12A mittangte ahih leh

• • tuisiang phuan lakah
    • a kisil siang kiuhkeuh,
• luitui luang gei-a a om
  • vahuite tawh kibang hi.
•  

13A biangte pen

• • paknamtui a dimin a kithun
    • thawl san kiuhkeuh tawh
      • a kibang hi.
• A mukte pen myrrh paknamtui tawh
  • a kidim unok pah tawh kibang hi.
•  

14A khutte etlawmin hi lianlian a,

• • suangmanpha a kiphut
    • zungbuhte a bulh hi.
• A pumpi pen
  • suangmanpha a kiphut dimdiam
    • saiha pak tawh kibang hi.
•  

15A khete pen kham citak

• • a kiphuh dimdiamna
    • suangngo khuamte tawh
      • kibang a,
• ama duang pen Lebanon mual sang,
  • taamtak kung hoih bangin
    • thupi suak mahmah hi.
•  

16A kampaute khum zungzung a,

• • a vekin, deihloh ding,
    • khat zong omlo hi.
• Ka ngaihno, hih bang teng hi,
  • Jerusalem nungakte aw.