Khang Tangthu Masa 8

 

Benjamin' Suanlekhakte

1Benjamin pen a tacil Bela, a nihna Ashbel, a thumna Aharah, 2a lina Nohah, leh a ngana Rafa-te' pa ahi hi.

3Bela' tapate: Addar, Gera, Abihud, 4Abishua, Naaman, Ahoah, 5Gera, Shefufan, leh Huram ahi uh hi.

6Ehud' tapate (amaute pen Geba-a teng beh lutangte hi uh a, amaute Manahath-ah galmatin kipua hi): 7Naaman, Ahijah, leh Uzza leh Ahihud' pa Heglam a kici Gera ahi uh hi.

8Shaharaim in a zite Hushim leh Baara a mak khit ciangin Moab gam sungah tapate nei hi. 9Amah in a zikik Hodesh tawh a neih a tapate: Jobab, Zibia, Mesha, Malkam, 10Jeuz, Sakhia, leh Mirmah ahi uh hi. Hihte pen amau beh sungah innkuan lutangte ahi uh hi.

11Amah in Hushim tawh zong a neih a tapate: Ahitub leh Elpaal ahi uh hi.

12Elpaal' tapate: Eber, Misham, leh Ono leh Lod a khuapite tawh a sat Shemed, 13leh Beriah leh Shema (Gath-a tengte a taisak Aijalon-a teng beh lutangte), 14leh Ahio, Shashak, leh Jeremoth ahi uh hi. 15Zebadiah, Arad, Eder, 16Mikhael, Ishpah, leh Joha-te pen Beriah' tapate ahi uh hi.

17Zebadiah, Meshullam, Hizki, Heber, 18Ishmerai, Izliah, leh Jobab-te pen Elpaal' suante ahi uh hi. 19Jakim, Zikri, Zabdi, 20Elienai, Zillethai, Eliel, 21Adaiah, Beraiah, leh Shimrath-te pen Shimei' suante ahi uh hi. 22Ishpan, Eber, Eliel, 23Abdon, Zikri, Hanan, 24Hananiah, Elam, Anthothijah, 25Ifdeiah, leh Penuel-te pen Shashak' suante ahi uh hi. 26Shamsherai, Shehariah, Athaliah, 27Jaareshiah, Elijah, leh Zikri-te pen Jehoram' suante ahi uh hi. 28Hihte pen amau khang tawh kizui-in beh lutangte, a ukpite ahi uh hi. Hihte khempeuh Jerusalem-ah a teng uh hi.

Saul' Khangsimna

(1 Khang Tangthu 9:35-44)

29Gibeon khuapi a satpa Jeiel pen Gibeon-ah teng a, ama zi' min Maakah ahi hi. 30Ama tapa upa pen Abdon, tua ciangin Zur, Kish, Baal, Ner, Nadab, 31Gedor, Ahio, Zekher, 32leh Mikloth (amah pen Shimeah' pa) ahi hi. Tu-in amau' suanlekhakte zong Jerusalem-a amau' behte' galkhatah amau' behte mah tawh teng uh hi. 33Ner pen Kish' pa, Kish pen Saul' pa ahi hi. Saul pen Jonathan, Malkhishua, Abinadab, leh Eshbaal' pa ahi hi. 34Tua ciangin Jonathan' tapa pen Meribbaal hi a, Meribbaal pen Mikah' pa ahi hi.

35Mikah' tapate: Pithon, Melek, Tarea, leh Ahaz ahi uh hi. 36Ahaz pen Jehoaddah' pa ahi hi. Jehoaddah pen Alemeth, Azmaveth, leh Zimri' pa hi a, Zimri pen Moza' pa ahi hi. 37Moza pen Binea' pa ahi hi. Binea' tapa Rafah, a tapa Eleasah, a tapa Azel ahi hi.

38Azel in tapa guk nei a, tuate' minte: Azrikam, Bokheru, Ishmael, Sheariah, Obadiah, leh Hanan ahi uh hi. Hihte khempeuh Azel' tapate ahi uh hi. 39Azel' sanggampa Eshek' tapate: A tacil Ulam, a nihna Jeush, leh a thumna Elifelet ahi hi.

40Ulam' tapate a thahat galhangte, thal tawite, tapa tampi leh tupa tampi a neite hi a, mi za leh sawmnga pha uh hi. Hihte khempeuh Benjamin minamte ahi uh hi.