401. VUK A PAKNA MUALDAWN PAN

Key : F

1
Vuk a pakna mual dawn pan, khang lam leimong dongah;
A mual a guam a zang pan, Tui tung leitung tengah;
A teeng mite khempeuh in, Pasian’ lam khial khin hi;
Tua khialhna kol sut ding-in, Eite hong sam uh hi.

2
Khua lumna gam sunga nung, Huihvot nuam mahmah a;
Etlawm a tamna gam sung, Mihingte sia khin ta;
Pasian hong hehpihna in, A mawkna suak khin hi;
Lawkite’n mittaw bangin, Sing leh suang bia uh hi.

3
Vantung khuavak thu theisa, Khuavak ta eite in;
Khuamial sunga mangthang sa, Mite khuavak puakin;
Gamlapi a om mite, Pasian meivak puak ni;
Hotkhiatna thu thei lote lungdamna thu puak ni.

4
Ama lungdamna thupha, Huih aw va lenpih in;
Mi khempeuh theih ding thupha, Tuipi’n va luan pih in;
Mawhneite tang ding sih thuak, Tuuno A hong pai ding;
I kumpi dingin hong tuak, lungdamna tawh mang ding.