493. Topa, Huihpi Hong Kipei

Key : C

1
Topa, huihpi hong kipei hi, Tuihualte zong hong sang hi;
Vanpi zong meivompi’n hong tuam hi, Huh ding kuamah om lo pi,
Nang nong kep kei leh sia man ding, Bang dia Nang ihmu ding;
Tu laitak nakpi’n hong linglawngsak hi, Sihna hanmual hong naita.

Sakkik
Huihpi le tuihual aw, ka thumang in, Dai dide!
Lauhuai tuihual nakpi kilok zong, Dawi gilo le migilo hita leh zong
Tuihual in upna tembaw su zolo;
Vanpi leipi tuipi bawl Topa hi,
Daitak Keima thu hong mangta un, Dai dide! Dai dide!
Daitak Keima thu hong mangta un, dai dai dide!

2
Topa, kei ka lungkham lua hi, Dah in na mai kong kun hi;
Ka dahna lungkhamna lian lua hi, Tho a huh ding kong thuum hi.
Mawhna lungkhamna lian lua hi, Si ding kha hong gum in;
Si man kha ning Topa kei hong huh in, Manlang hong pai mengmeng in.

3
Topa, launa hong vengta a, lungnuamtakin ka tawlnga;
Buaina teng veng sunni hong tang a, ka awm hong vang hiuhiau ta.
Hong gum Topa Nang kong muangta, hong nusia nawn ken la;
Thupha tawh khawlmun nuam dong kei nong kha, lungnuamtak ka tawlnga ta.