186. TANGLAI PATE’ UPNA HINGLAI

Key : Ab

1
Tanglai Pate’ upna hinglai,
Mei sung, Humpi kuasung khiat thuak,
Tua zah upna lian i zak ciang,
Aw bangzah in i lungdam hiam?
Pate upna, Upna siangtho,
Ei zong sih dong i thuak ngam ding.

2
Tanglai Pate’n kolbulh thuak in,
Thong sung khuamial munah ki koih,
Hih hang lungsim siangtak tawh om,
Tua bang mite i sun ding hi,
Pate upna, Upna siangtho,
Ei zong sih dong i thuak ngam ding.

3
Upna i cih Pate’ up bang,
Tual leh gal ki do na sungah,
Banghang hiam cih teltheihna tawh,
Gitna itna kammal tawh lak,
Pate upna, Upna siangtho,
Ei zong sih dong i thuak ngam ding.

4
Tanglai Pate’ upna nei leng,
Tual leh gal zong i it ding hi,
Nuntak siangtho leh kamkhum tawh,
Topa hong itna thu gen ni,
Pate upna, Upna siangtho,
Ei zong sih dong i thuak ngam ding.