156. NGUN HI LO, KHAM ZONG HI LO

Key : D

1
Ngun hi lo, kham zong hilo, hong kitatkhiatna,
Leitung hauhnate in kei hong tan zo lo;
Kei muanna bulpi Jesuh si san bek hi a,
Ka Topa’ sihna in kei hong damsak zo.

Sakkik
Hong kitanzo, hih hang ngun hi kei,
Hong kilei zo, kham tawh hilo;
Jesuh sisan in keimah hong lei,
Hong itna genzawh hi lo.

2
Ngun hi lo, kham zong hilo, hong kitatkhiatna,
Ka lungsim mawhna vangik puakhin zo hi;
Kei muanna bulpi Jesuh si san bek hi a,
Ka Topa’ sihna bek in hong tan thei hi.

3
Ngun hi lo, kham zong hilo, hong kitatkhiatna,
Thukham in Pasian hong naihsak thei lo hi;
Kei muanna bulpi Jesuh si san bek hi a,
Ka Topa’ sihna in launa beisak hi.

4
Ngun hi lo, kham zong hilo, hong kitatkhiatna,
Vantung lampi lah kilei thei tuan lo hi;
Kei muanna bulpi Jesuh si san bek hi a,
Hong Honpa’ sihna bek in hong leizo hi.