500. Mangngilh Ken Sabbath Ni

Key : C

1
Sabbath mangngilh kei un, Pasian thupha piaksa,
Apha a nuam bel ni hi, ni sagih kal sungah;
Gimna pan tawldam hong pia, lungnopna hong gen hi,
Vantung melhoihna pha tawh, a vang hong tangsuk hi.

Sakkik
Dawn ni, dawn ni, dawn denden ni,
Thupha Sabbath ni;
Dawn ni, dawn ni, dawn denden ni,
Thupha Sabbath ni.

2
Sabbath siangtho sak un, bia un Amah tuni’n,
A nungzuite’ kiangah ci, “Hinna lampi ka hi;”
Hih leitungah hong Honpa, kiniamkhiatin zui leng,
Nuntakna tui hong pia ding, a tawntunga luang den.

3
A nuam a siangtho ni! Zang ni ahun manpha,
Lawmpha bel Jesuh’ tungah, Sak ni lungdamna la;
Midik hong it Honpa aw, Nangmah Na phabel hi,
Mi teng tungah teng dingin, Na thuciamna pha hi!