450. LA THAK

Key : Bb

1
Jesuh mai-ah mi tampi kikhawm uh a,
A min phatna la sa in, gawsem tum uh hi.

Sakkik
Ei hong it a,
I mawhna hong phelsak Topa,
Ama min thang tawntung ta hen!
Amen, Amen.

2
Mawhna nei ngeite tua mihon maitang ah,
Puanpak silh in, sa uh hi,
Ama minphatna la.

3
A galte, siampi le kumpi suaksak hi,
A sipha tawh lei in, la thak a sa sak hi.

4
Hong tatkhiatna om kha zenzen lo hi leh,
Mawh nei mite bangzah in, i cimawh ding hiam.

5
Amah phatna aw nakpi in gingsak ni,
Midangte zong um a la thak a sak na’ng hi.