489. Kikhopna Lian!

Key : C

1
Mihing Tapa hong paikik na’ng tua khuavak pha zingsang le,
A minthanna tangpha eite’n i mu ding;
Micin namin lak panin Ama’ mite hong ciahpih teh,
Hotkhiatsate’ kikhopna lianpi hi ding!

Sakkik
Kikhopna lian! Kikhopna lian!
Hotkhiatsate’ kikhopna lian itna gam sungah;
Kikhopna lian! Kikhopna lian!
Hotkhiatsate’ kikhopna lian vantung ah!

2
Ama sunga ihmusa mi Jesuh’n A thawhsak hun ciang,
A gamdai hankhuk le tuipi sung panin;
Siangtho pumpi nei-in vanah kilato ding Ama kiang,
Hotkhiatsate’ kikhopna lianpi hi ding!

3
“Omna tampi” a omna mun tua khuapi lian i et ciang,
A khawnkhong a luang nuntakna gun mu ding;
Sihna in hong khensa lawmte nuamna tawh i muh hun ciang,
Hotkhiatsate’ kikhopna lianpi hi ding!
4
Kumpipa hong pai laitak ding, a hun hong nai khinzo ta,
Hong naizo hong ciamsa ni thupi mu ding;
“Mit phiat kal sung hun tomno ah” eite i kikhel khin ding,
Hotkhiatsate’ kikhopna lianpi hi ding!