209. Kei Nong Phawk Na’ng Un

Key : D

1
Nong hehpihna hangin kong phat uh hi, Topa
Tua in kote tudongin hong keem hi;
Na hoihna, Nong itna ka zahtak uha,
Nangma tungah hong ki-ap-in kong kuun uh hi.

Sakkik
Topa aw, tuni’n nong vaikhaksa mah bangin,
Na sabuai ah an kong um uh hi;
“Kei nong phawk na’ng un ne un” nong cih bangin,
Nang phawkna in ka nei uh hi

2
Nuntak khomun ne ding, ka kilawm kei uh hi,
A them tawm ding zong kilawm kei ung;
Ahi zongin hong hehpihin nong pia a,
Na hong itna hang bekin a ne thei hi ung.

3
Upna tawh kote in khomun ka ne uh hi,
Lungsim, pumpi hong thahatsak hen;
Nangma sihna thu hong gengen ahi hi,
Genzawh loh na minthanna sung hong tun tahen.