396 (B). Ka Nu’ Thungetna Zakik Thei Leng Maw

Key : Bb

1
Ka nu damlai nite a nop dan lungngai ing,
Ka lungsim hong vut, hong phawng hilo maw;
Ka lungsim thanem ciang tua hun phawkkha zel ing,
Ka nu thungetna za kik thei leng maw

Sakkik
Zakik thei leng, nu’ awkhum za nuam ing
Keima ading hong thungetsakna aw,
Tua aw za leng, bangzah in lungdam ding
Ka nu thungetna zakik thei leng maw

2
Jesuh ka muan theih na’ng ka nu’n thu hong ngetsak,
Pasian deih bang ka nuntak theih nading;
Pasian’ itna muangin, van innpi hong zuansak,
Tua lai ah ka nu mu-in lungdam ning

3
Ka nu’ lungduaina le itna, maitaina in,
Lungnop, tawldam, lametna hong guan hi;
A sak ngei la awte za ing, ka bilkha in,
Tua la van mite’n zong ngaihsa uh hi.

4
Leitung nasep zo-in nuntak lukhu khuta,
Topa tawh vangam nuam ah tawlnga hi;
Lungdam ni zingsang ciang amah’n hong dawn dinga,
Tawntung innah ka mangkhawm ding uh hi.