374. Jesuh Aw Ka Sih Dongin

Key : F

1
Jesuh aw, ka sih dongin, Nangma nasem dingin;
Kiciamna kip ka koihzo, Nangmah ka lawm ka To;
Hong panpih tawntung lecin, Nanglam hong hilh lecin;
Galdona kihta kei ning, lampam sikkhial kei ning.

2
Nangma pau hong zasak in, a siang a teltakin;
Muhnop huaite in hong leng, zaknop huaite’n hong meng;
Ka galte hong nai tawntung, ka kiim le ka lung sung;
Tuate sang hong naizaw in,
Mawhna pan hong dal in.

3
Nangma pau hong zasak in, A siang a teltak in;
Lungsung huihpi a nun ciang, Manglo, ka phunno ciang;
Ka lungmuan theih na’ngin-ah, Nong sawlna, nong khaamna;
Hong theisak hong ngaisak aw, ka lungsim hong cing aw.

4
Jesuh aw, nong iamzo hi, Nangmah a hong zui mi;
Nangma nasemte inah, Nang tawh mang ding, van-ah;
Jesuh aw, ka kiciamzo, sih dong Nangmah ka to;
Kong zuih zawh na’ng hong huh in, Ka lawm, ka Topa in.

5
Na khekhap, hong musak in, keimah hong tawnsak in;
Kong zuih theih na’ng mantakpi, Nangma tha kong muang hi;
Hong pi, hong sam, hong kaita’n, A tawp dong hong lenta’n;
Vantung dong hong tonpih aw, Hong hon ka Lawmpa aw.