174. HUHPA HONG PAI KHIN TA!

Key : C

1
Lungdam thu zeel-sak un, mi omna ci tengah,
Mihing lungsim omna mihing gal tamna ah,
Tapidaw leii khempeuh lungdam thugensak un.
Huhpa hong pai khinta.

Sakkik
Huhpa hong pai khinta,
Vantung Kha Siangtho pen,
Pa’n piak ding hong ciam pen,
Lungdam thu zeel sak un.
Mi omna ci tengah;
Huhpa hong pai khinta.

2
Zan hun saupi beita, mi omna citeng ah,
Lungsim vangikpi teng, hehna huging vengta;
Nitang khammual pan in hong suahkhiat tak ciang in,
Huhpa hong pai khinta.

3
A kha sung zatui tawh, kumpi te’ To hat pa’n,
Thongkia kha khempeuh tung, hong puak, hotkhiat kicing;
Thongpi hawm sung teng ah, zawhna lapi hong ging;
Huhpa hong pai khinta.

4
Genzawh loh itna siang! ka leii in bang ci-in,
Genzawh loh hehpihna, mi vakvai tung gen ding;
A mah le A meel tang, sungah ka om theihna’ng;
Huhpa hong pai khinta.

5
Awging van khum dawnah, leng in thawn to sak un;
Vantung misiangte’aw, leinuai mi dawng sak un;
Tatsat lo itna sung, a bei ngeilo ding la;
Huhpa hong pai khinta.