478. Hong Tawhkuang In

Key : Bb

1
A thokik Topa’n a vaikhak bangin, inndei tungah nungzuite kikhawm;
Pa’ kamciamna tua lai takin, lungsim kikhatin zong khawm (O Hallelujah)
Van pan Kha Siangtho in huihpi nung le meikuang bang leiite hong kumsuk khin,
Na thupha ngaklah ung, Topa a lamdang lawpna hong pia suk in.

Sakkik
Hong tawh kuang in, hong tawh kuang in, Van mei hong tawh kuang in,
Ngak gige ung, na lam-en nung, Upna tawh kong sam uh hi;
Hong tawh kuang in, hong tawh kuang in, Na kamciam bekmah muang ung,
Na mai-ah na vanglianpi tawh, Na Pentecost mei hong tawh kuang in.

2
Elijah bang a siang teci panna, biakna pia dih ni, biakna tau-ah;
Khris in Honpa, hong damsak Pa, hong pai ding Pa, Baptaizpa (O Hallelujah)
A bei theilo hehpihna le gupna, mi mangthang ta dingin na gel a,
Hih thupha nong lah tel manin, Na kammal tungah ko ding ngamta.

3
Topa’ sapna za khempeuhte tungah, kamciamna hong kipia khinzota;
Pate tung le tate tungah, Na mi khempeuhte tungah (O Hallelujah),
Na kammal sungah nuamsa tawntungin, upna tawh Na vangpi hong siim ung,
Kha Siangtho mei hong kumsukin, van mei hong tawh kuang in ka lung sung.

4
Nang hong sang tawi-in kong biak theih nang un,
Kong phat theihna dingun ngaihtak in,
Biakna tau pan mei-am khat tawh, ka muk uh hong biksak in; (O Hallelujah)
Na minthanna mei tawh h ong tuam inla, a siangtho lawpna tawh hong dim in,
Kha Siangtho aw, Na zia bangin minthang vanglianpi tawh hong pai in.